قاعدة النقطة

حط نقطة

هالكلمة اكررها دائما، وصارت عندي قاعدة في العمل والحياة

أي مهمة تستلمها، لا تتركها معلقة
لا تنتظر أحد يلاحقك، أو يذكرك، أو يحلها عنك

استلمت مهمة؟ أنت مسؤول عنها لين تخلصها
محتاج معلومة؟ اسأل
طلعت عقبة؟ تصرف
ما تعرف؟ دور حل

المهم لا ترجع تقول
(ما أحد علمني) أو (مدري وش أسوي)

ابهرني أحد الموظفين حين أوكلت له مهمة طالما حيرتني (ما عرفت احط لها نقطة)، فأنجزها بسهولة رغم عدم تخصصه فيها

عندنا نقول عن الشخص المنجز (وليدة) يعرف يدبر نفسه، يتحرك، يتابع، إلى أن ينهي العمل

والناس بشكل عام ترتاح لهذا النوع
في العمل، يُعتمد عليه
في البيت، ترتاح له
في الحياة، ينجز أكثر، لأنه ما يعيش وسط مهام معلقة ووعود مؤجلة

أكثر الناس قيمة في أي فريق، الشخص اللي يخلص ويحط نقطة

كم نقطة معلقة عندك من زمان؟